可恥嬸與四千蚊 - 陳也
內地「白眼姐」爆紅，香港「可恥嬸」搶眼球。「燒雞本法可恥」！「捐三萬蚊可恥」！「派四千元可恥」！總之，可恥的是別人，可恥嬸雙眼翻白嘴角朝天，無恥可可！內地阿姐，終極敗給可恥嬸。
燒雞本法，講明老翻，成張A3紙咁嘅道具，認真你就「可癡」！捐三萬蚊後hastag大和解的舉措，幾cheap吓，cheap show極其量就是濫，無乜恥可言。可恥嬸做過官，個人身家厚，雞碎三萬蚊，有捐過給哪些政團呢？聽口氣，從來無捐過喎，三萬蚊就能擺「大和解」上枱，做A1頭條，最恨就係咁，人家做咗，「紅」咗，可恥嬸酸到胃痛，唔嬲就假。但三萬蚊如果派俾市民，逼茅波再跪低，成功爭取到，由四千變三萬，嘩，可恥嬸即時平反，要多少票有多少票，要多高民望就有多高民望。可恥才會贏，stupid！
政府指全港280萬人合資格領四千元。講過結束一黨專政、燒雞本法、有福袋攞才肯投票的選民、民主自決派都有份？眾志的年輕成員，拎咗最終會被政府DQ追數嗎？
...................
没有评论:
发表评论