【特朗普當選】「美國隊長」基斯喊超絕望 麥當娜話決不投降
2016-11-09 19:15:00 HKT
特朗普勝出美國總統大選，唔少荷李活名人都喺社交網站發言，對選舉結果感失望。
「美國隊長」基斯伊雲斯對結果表示失望，揚言係讓美國丟臉的一晚，仲話超絕望。
麥當娜話唔會放棄，唔會投降。
佢不停喺Twitter發言，仲話「革命即將開始。」。
Lady GaGa話為為美國祈禱。
Katy Perry一向支持希拉莉。
雪兒用廁所同屎嘅圖案符號鬧爆特朗普。
美國共和黨總統候選人特朗普（Donald Trump）當選敗下任總統，打敗民主黨總統候選人希拉莉（Hillary Clinton），唔少荷李活名人都係希拉莉支持者，當佢哋得知事前大熱嘅希拉莉落選後，都表現有啲激動，紛紛透過社交網站發表感受。
美國樂壇天后麥當娜（Madonna）曾經喺公開活動呼籲大家投希拉莉一票，仲揚言會為投希拉莉一票嘅人口交，佢剛留言：「新火焰已經燃起。我們決不放棄，我們決不投降。」至於曾經多次喺選舉活動幫希拉莉拉票嘅Katy Perry，激動得不停喺Twitter留言，寫下「革命即將開始。」與「我們不會沉默。」等字句。
「美國隊長」基斯伊雲斯（Chris Evans）對於呢個選舉結果都難以接受：「這是讓美國丟臉的一晚。我們讓一名煽動仇恨者領導我們偉大的國家。我們讓一名惡霸制定我們的道路，我現在超絕望。」而Lady GaGa選前都積極為希拉莉拉票，更將Twitter名改為#VoteHillary，佢知道特朗普勝出在望時，已經留言：「為美國祈禱」之後再寫道：「在一個充滿愛的地方，我們的聲音會被聽見，支持善良、平等與愛，什麼都無法阻止我們。」
美國老牌女星雪兒（Cher）亦不滿特朗普唔尊重女性，當得知特朗普獲勝後，狂喺社交網站留言以示不滿，佢話：「世界從此不一樣，我替年輕人感到難過，廁所永遠都只係廁所，我可以用符號代表佢，你唔可能擦亮一嚿屎。」
同時，因為特朗普過去曾經多次發表歧視少數族裔與性小眾人士，喺佢當選後，包括奧斯卡影后貝兒娜森（Brie Larson）嘅多位名人都喺社交網站留言，向有色人種、LBGT同新移民表示關心，話佢哋並不弧單。
Z88
没有评论:
发表评论