女商人千萬買匯璽 嘆「揸cash一定貶值」 | 蘋果日報 | 財經地產 | 20170402
從事眼鏡生意的女商人李小姐，在抽匯璽頭兩輪落空後，終於在第3輪賣樓時，成功購入一間兩房低層無海景單位，涉資950萬元。但對樓價升好無奈地說「呢個價錢以前可以買三房，𠵱家只係兩房仲望唔到海，一年咋。」
她慨嘆，今時今日「揸cash一定貶值」，股票又未必賺，買樓都只是想追通脹，樓價又高處未算高，之前儲落的錢一年前應該買到三房，「今日只是買到兩房，仲要係7樓」，兼無海景，而且是用盡最後一個家人的首置名額，稱如無此名額，不會考慮入市。
她又指，現時買樓真係好難，「要等好耐」，直指發展商「安排麻麻」，「even係睇示範單位，淨係個廳都成60、70人」，要靠睇樓書的平面圖判斷單位質素。
她又認為，香港樓價或有可能跌三成，但跌一半就應該好難，因為有不少內地買家都喜歡買港樓，「買倫敦、澳洲又升唔到咁多，按揭又難做」，故認為港樓保值。 
Z88
没有评论:
发表评论