电子邮件关注

2017年8月8日星期二

中環在線:
郭Sir健身室𥄫中陶傑 - 李華華 | 2017-08-08 | | 蘋果日報

中環在線:<br/>郭Sir健身室𥄫中陶傑 - 李華華 | 2017-08-08 | | 蘋果日報

中環在線: 郭Sir健身室𥄫中陶傑 - 李華華


郭Sir(左)噚日同陶傑互送高帽。李潤芳攝

籌備超過半年、投資近千萬嘅民眾財經台今日開台,民眾證券董事總經理郭Sir(郭思治)除咗講股兼教人操肌之外,又搵到香江第一才子陶傑坐鎮。陶傑謙稱,佢唔係財經專家,但希望可以用歷史文化角度分析,例如講下文化產業點樣影響全球經濟走勢。
陶傑同郭Sir噚日喺記者會上互送高帽,話係對方Fans,識英雄重英雄咁話。聞說,佢哋係喺健身室結緣,郭Sir形容,當時離遠已經見到陶傑,自己一路望住佢,但又唔敢行埋去,直到陶傑走為止。而陶傑就講笑咁話,郭Sir可遠觀而不可褻玩,家陣有機會埋身切磋,真係三生有幸。

直播App唔准講政治

除咗陶傑主持嘅呢個王牌節目,港台前節目監製劉羽葳都會幫民眾財經台做節目。睇佢嘅節目嘉賓陣容又幾鼎盛下,包括董偉、湯文亮、汪敦敬、黎永滔、李根興、祁文傑、盧志威等等。
郭Sir話,民眾財經台好大程度上北望,所以普通話時段會佔70%。佢又補充,籌備緊民眾財經直播App,除咗直播民眾財經節目外,未來都會設有個人直播功能,畀分析員喺上面分享投資心得,仲會有功能畀分析員以外嘅人講嘢,但郭Sir強調,飲食、娛樂乜都講得,但就唔可以講政治喎。

李華華
LiWaWa@AppleDaily.com



I

没有评论:

发表评论