2017年2月10日星期五

兩位張同志嬲嬲 - 陳也

二撇雞兵行險着，先發制人，預計民望必然急跌N點，還是在政綱開出期票，2020年內，必然雙推，23條和831同步出爐。

咦，演到戲肉，雙拳出擊，武學至尊，點解依然不得張官愛憐，硬是點鄭36唯一的燈，對二撇雞的忠誠不屑一顧呢？原因是：

一，鬍鬚曾食過夜粥，唔係巴士阿叔。張官有自知之明，肯聽佢個政治局詐騙集團老點的，只有唔知邊度有廁紙賣的離地師奶。

二，俊華不是建華或德華，係舊金山華僑，張官精讀中史，警惕阿華隨時會拉攏外國勢力，五胡亂華。（今次還跑出個胡官，不是巧合吧！）蛾嬸衣着髮型酷似朴槿惠，內心深處，受詩姑珠姐范婦之流的閨密集團長期洗腦，與狼同行四年，中毒甚深，見佢入場甩鞋，肯定唔驚佢起飛腳。

三，張官與西環張大師私交甚篤，二人同心，眼見二撇雞跟習大帝親密握手，恨得牙癢癢！這個權力私竇神壇，只有兩位張同志可以公開hehe，知道冇！