电子邮件关注

2017年5月29日星期一

【扒龍舟減肥?】每周操兩課划划划 肚腩即收但… | 2017-05-29 | | 蘋果日報

【扒龍舟減肥?】每周操兩課划划划 肚腩即收但… | 2017-05-29 | | 蘋果日報

【扒龍舟減肥?】每周操兩課划划划 肚腩即收但…

龍舟絕對是高強度運動,每次練習完都會筋疲力盡兩臂癱瘓,照計點都比跑步更有效減肥吧?不知打從何時開始,肚腩隨年歲增加天天長大,今次正好用我來做實試,跟着龍舟隊每周操兩課,每課1.5小時,操足兩個月,睇睇龍舟減肥work唔work!


註冊物理治療師陳詩薇。


兩個月前


兩個後,好明顯啦!


龍舟勞損性傷患比較多,肩膊是其中常見傷患部位。

扒龍舟前上磅,178磅,嗯……真係好重,兩個月後,輕咗……3磅咁大把,明明每次都出盡吃奶之力去扒,點解效果不成正比?問過註冊物理治療師陳詩薇,佢話:「龍舟雖然算是高強度運動,亦用到身體的大肌肉群,但龍舟運動的時間太短,特別是競賽性的龍舟運動,500米途程也不過是兩三分鐘的時間,不屬帶氧運動,未能達到消脂效果。」咁練習的1.5小時呢?「其實最有效達到消脂效果是心跳率達到60%至80%的狀態(心跳率=運動心跳/最大心跳(220-年齡)),高強度的龍舟運動心跳率往往超過80%,能鍛鍊心肺功能,卻並非有效消脂,而且,肌肉重量比脂肪重,磅數上更不會有明顯下降。」


門框可用作伸展胸肌的工具。


睡前不妨拉一拉腰背肌。

咁咪冇乜用?又唔係噃,兩個月後發現肚腩明顯細咗,相信是因為扒龍舟動用到腰肌和核心肌群,令肌肉收緊了,達到了收肚腩效果,不過亦與此同時……「對初學者而言,如果腰肌和核心肌群不夠強壯,側重了肩膊和手臂肌肉之餘亦依靠了腰背肌肉,容易拉傷。」物理治療師建議,運動前後最好做一些伸展肩膊、胸肌和腰背肌肉的動作,有助防止受傷。點做?睇片啦!

記者:曾冠輝
攝影:梁志永、張志孟、伍慶泉

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily



I

没有评论:

发表评论