果迷唔收貨 促免費換電
【本報訊】Apple早前承認故意為電池老化的舊款iPhone降速，引起大批果迷不滿。即使Apple將更換保障期外的電池價格降低，但一眾果迷仍未收貨，促請Apple為用家免費換電。有學者相信事件會令iPhone印象受損，建議Apple免費補償消費者。
蘋果承認拖慢舊款iPhone運行速度，以防止電池老化令手機突然關機。
「少少被呃嘅感覺」
現使用iPhone 7的鍾小姐指，希望Apple盡早解決手機問題，若有需要都會去更換電池，「但如果係蘋果問題，係佢整慢咗嘛，就唔應該收錢。」現使用iPhone 6s的王小姐指，之前更新iOS後，手機的確變慢和變熱，現在開啟相機功能和程式時，都有一段時間黑屏。她指曾考慮換機，但現在會考慮參加換電計劃。
手持iPhone 6的洪先生指，得知Apple會減慢手機速度後，慶幸自己沒有更新手機，「但估唔到（Apple）用咁嘅方法，有少少被呃嘅感覺」。他覺得Apple不應再減低手機速度，同時要免費為用家換電，否則仍覺不合理。中大市場學系客座教授冼日明指近年升級操作系統iOS頻頻出事，加上今次事件發生，令iPhone形象造成傷害。他又指，消費者會認為今次事件由Apple造成，「應該主動免費補償番畀消費者」，而非提供換電池優惠予用家。
消委會於今年首11個月共接獲993宗有關手機的投訴，較去年同期的1,526宗減少35%。有關手機電池和充電器的投訴有48宗，較去年同期的40宗，增加20%。
■記者羅繼盛
...................
没有评论:
发表评论