电子邮件关注

2016年9月21日星期三

蘋果日報- 【炒iPhone7】亮黑大機先達賣價 創$29,300新高!

蘋果日報- 【炒iPhone7】亮黑大機先達賣價 創$29,300新高!

【炒iPhone7】亮黑大機先達賣價 創$29,300新高!

炒風不可長,因為受苦的會是實際用家!最近iPhone 7 Plus隻「亮黑」。成為好多人炒賣對象!好多人都已為頭兩日係最高位,iPhone 7 Plus的拆貨價(手機舖間的成交價格)在這兩天曾創下,128GB版13,000、256GB版更曾高見$13,800至$14,000!


iPhone 7 Plus基本所有顏色都有足夠貨量,唯獨亮黑一色在市場上非常少見,成為國內人士追捧對象,而且不斷有人到香港買入此機。

正當好多人以為摸頂之際!肥通收到風「公司機」會在9月19日、周一晚殺抵手機場中!原本一心諗住早些落場,食住花生等貨到,點知說好的亮黑竟然冇貨到!機價馬上由早兩日的機價再夾高逾萬元,拆貨價立即飈升至128GB($22,000至$22,300)、256GB($27,000至$27,300)。

或者你會問,甚麼是「公司機」?點解他們會對價格有如此大影響力?須知這類「公司」坐擁香港最多iPhone 7的貨量,更重要是他們所放出的iPhone 7,仲要係最貴價「未開盒機」!即係哪些方司?這一點就不能說太白,大家自由聯想吧!

講到呢度,正義感上身的人又會開口鬧先達Sales吧!但實況是先達Sales們都唔多「接機」,原因有二!一為市場上最多亮黑iPhone 7 Plus出現的日子,是為開賣第二日的星期六,現在的拆貨價雖然被進一步推高,但現實市場上都是一機難求。其二為價格實在高得有點不合理,原因是市場上全面缺貨,不過大家亦無從估計Apple何時會加推大貨,影響所及,可以是一夜間跌至「唔過萬」,所以風險性非常高!

現在先達一般Sales處理手法,都是保持審慎及觀望態度,有貨單需要「亮黑大機」,都係要先落訂金,再從行家手上拆貨。至於直接到消費者手上的「賣街價」,會在「拆貨價」之上加多$1,000至$2,000;Sales們到最後都語重心長提醒果農們一句:「這些機會不是我們的,如果咁啱你有亮黑大機現貨在手,又咁啱唔想用、想放機,一試無妨!如果你是追機、追炒風,想從中賺一筆,你要有承擔風險的準備。」

記者、攝影:朱崇德

上一則: 【科技籽】全球首部機械人手機 跳舞影相 聽晒你話

下一則: 【動畫●趣味科普】搭車唔好做毒L 同人搭訕更開心



I

没有评论:

发表评论